×
Басты бет Афишалар
Тарихы Басшылық Серіктестер Байланысу Сыбайлас жемқорлыққа қарсы іс-қимыл мәселелері
Ұжымдар Жетекшілер Дирижерлер Әртістер
Жаңалықтар Галерея
×
Іздеу нәтижесі
Басты бет / Жаңалықтар / Дәрігерлерге арнап ән жазылды

Жаңалықтар

Жаңалықтар

Дәрігерлерге арнап ән жазылды

Коронавирус пандемиясына байланысты бүгінде еліміз сын сағаттарын бастан кешуде. Төтенше жағдай кезінде, әсіресе ақ халатты абзал жандардың еңбегі мол екеніне көзіміз жетті. Осы орайда Нұр-Сұлтан қаласы әкімдігі мемлекеттік академиялық филармониясының әртістері дәрігерлердің өлшеусіз қызметін, ерлігін жырға қосып «Дәрігерлер» әнін жазды.

Жаңа әннің мәтінін Қуат Ежембек, музыкасын Мәдениет қайраткері, «Қорқыт» этно ансамблінің көркемдік жетекшісі Шолпан Қорғанбек жазған. Қуат Ежембек бұл туындысымен науқастар палатасында ұйқысыз түндер өткізіп, бастарын қатерге тігіп жүрген жандарға ризашылығы мен алғысын білдірген екен. Әннің авторы Шолпан Қорғанбек те аталмыш оқиғадан қатты әсер алып, эмоционалдық ықыласы мен сезімін музыкамен жеткізуге тырысқанын айтты. Әнде дәрігерлердің батылдығы мен ерліктері һәм қазақстандықтардың бұл сынақтан да өтіп, өздеріне құнды сабақ беретіні туралы баяндалады.

«Дәрігерлер» әнін жазуға Қазақстанның және Татарстанның Халық әртісі, ҚР Мемлекеттік сыйлығының лауреаты Нұржамал Үсенбаева, ҚР еңбек сіңірген қайраткерлері Алтынай Жорабаева, Естай Мұқашев, Бибігүл Жанұзақ, халықаралық байқаулардың лауреаты А.Құснадин ат салысқан.