×
Басты бет Афишалар
Тарихы Басшылық Серіктестер Байланысу Сыбайлас жемқорлыққа қарсы іс-қимыл мәселелері
Ұжымдар Жетекшілер Дирижерлер Әртістер
Жаңалықтар Галерея
×
Іздеу нәтижесі
Басты бет / Жаңалықтар / Елордалық филармонияның симфониялық оркестрі әртістерінен және олардың әртүрлі елдердегі достарынан дәрігерлерге арнау

Жаңалықтар

Жаңалықтар

Елордалық филармонияның симфониялық оркестрі әртістерінен және олардың әртүрлі елдердегі достарынан дәрігерлерге арнау

Нұр-Сұлтан қаласы әкімдігінің мемлекеттік академиялық филармониясы симфониялық оркестрінің кезекті композициясы дәрігерлерге арналған: музыканттар әлемнің барлық медицина қызметкерлеріне Леонард Коэннің "Hallelujah" әнін арнады. 

Симфониялық оркестр әртістері мен әртүрлі елдердің орындаушылары скрипка, виолончель, фортепиано, гобой, флейта, фагот, валторна, контрабас және басқа да музыкалық аспаптарда атақты әуенді ойнады: кавер осылайша күтпеген ерекше музыкалық түске боялды.

Музыкалық арнау жазбасына «біздің Қырғызстан, Оңтүстік Корея, Үндістан, Нидерланды, Украина, Қытай, Франция, Италиядағы музыкант-достарымыз қатысты», - деп атап өтті елордалық филармонияның музыканттары. Акцияны виолончельші Готье Герман және оның отбасы (Франция), флейташы Ли Зи-Енг (Оңтүстік Корея), скрипкашы Джианг Ти (Қытай), кларнетші Бахтияр Дооранов (Қырғызстан), валторнашы Ханс ван дер Зинден (Нидерланды), контрабаста ойнаушы Джиакомо Банелла (Италия), скрипкашы және виолончельші Рису Висак, қазақстандық отандасымыздың студенті Кенжегүл Акшекина (Үндістан), фаготист Алексей Емельянов (Украина), фаготист Алексей Емельянов (Украина) және т.б. қуана қолдады.

Осылайша, музыканттар науқастар палатасында ұйқысыз түндер өткізіп, күні-түні ауыр ауыртпалықты көтеріп, COVID 19-бен күресте алдыңғы қатарда тұрған барлық азаматтарға үлкен алғыстарын білдірді және «Біз біргеміз!» бірегей науқанының қатысушылары «Сіздің еңбегіңіз баға жетпес», – деп үн қосты.

Бейне жазба әртістердің дәрігерлер атына әр тілде жазылған шынайы сөздерінің арқасында ерекше әсерлі болды, пандемиямен жалпы күрес адамдарды біріктірді. Осы бір қиын кезеңде тек бір-біріне деген сүйіспеншілік пен көмек беру арқылы ғана жеңіске жетуге болады – бұл әлем музыканттарының басты сәлемі. Елордалық филармония ұжымы ақ халатты абзал жандарға өз алғысын білдіріп, оларға зор денсаулық, күш-жігер және батылдық тілейді!