×
Басты бет Афишалар
Тарихы Басшылық Серіктестер Байланысу Сыбайлас жемқорлыққа қарсы іс-қимыл мәселелері
Ұжымдар Жетекшілер Дирижерлер Әртістер
Жаңалықтар Галерея
×
Іздеу нәтижесі
Басты бет / Жаңалықтар / Филармония әртістері балаларға мерекелік көңіл-күй сыйлады

Жаңалықтар

Жаңалықтар

Филармония әртістері балаларға мерекелік көңіл-күй сыйлады

Мәдениет қызметкерлерінің ортақ үйіне айналған І.Жансүгіров 4/3 мекенжайының кішкентай тұрғындары, бұл жолы күндерін әдеттегіден өзгеше бастады. Елорда филармониясының «Alem» эстрадалық би ансамблі балаларды қорғау күніне орай, жатақхананың балапандарына мерекелік көңіл-күй сыйлады.

Дене қимылдарымен, сергіту сәтімен басталған таңғы жаттығу қызықты ойындарға жалғасты.

Салауатты өмір салты - бала болашағының жарқын кепілі. Ансамбль артистері (бишілер) кішкентай достарына спорттың маңызын, өміріміздегі орны бөлек қағида екенін ұғындырып қана қоймай, мереке қарсаңында жатақхана алаңын балалардың риясыз күлкісі мен қуанышына бөледі.

Дене жаттығулары саулық пен сымбаттылықтың кепілі болса, түрлі ойындар ой қабілеті мен көрегендікке, ақылдың дамуына апаратыны баршаға белгілі. Филармония артистері балалық шаққа саяхат жасап, бүлдіршіндермен ойындар ойнап, жағымды энергетикаларымен іні-қарындастарын баурап алды.

Балапандардың ризашылығы шексіз. Қазақтың бас ақыны Абай «адамның бір қызығы - бала...» дейді бір өлеңінде. Өміріміз ұрпағымызбен мәнді, ел болашағы да - балалар. Мереке қарсаңында кішкентай достарына шаттық сыйлап, сыйлықтар үлестіріп, бал дәурен бақыттың ұшқынын сыйлаған өнерпаздарымыздың игі бастамасы - ізгіліктің бастауы деп білеміз.