×
Басты бет Афишалар
Тарихы Басшылық Серіктестер Байланысу Сыбайлас жемқорлыққа қарсы іс-қимыл мәселелері
Ұжымдар Жетекшілер Дирижерлер Әртістер
Жаңалықтар Галерея
×
Іздеу нәтижесі
Басты бет / Жаңалықтар / Ерекше форматтағы «ҚҰТТЫҚTIMES ASTANA» мерекелік концертін ұсынамыз

Жаңалықтар

Жаңалықтар

Ерекше форматтағы «ҚҰТТЫҚTIMES ASTANA» мерекелік концертін ұсынамыз

2020 жылдың  25 маусым және 3-4 шілде күндері 18:00-де Нұр-Сұлтан қаласы Мәдениет басқармасының ұйымдастыруымен қала күніне арналған «ҚҰТТЫҚTIMES ASTANA» мерекелік концерті өтеді. Мейрамды өзгеше форматта атап өту мақсатында Нұр-Сұлтан қаласы әкімдігінің Мемлекеттік академиялық филармониясы қайталанбас концерттік бағдарламаны ұсынып отыр. Осыған сәйкес артистер үш күн бойы екі қабатты автобуспен елорда көшелерін аралап, Есіл жағалауындағы кеме үстінде жүзіп тұрғындар мен қала қонақтарын естен кетпес әсерге бөлейтін болады.

Мұндай форматтағы жайдарлы кешті Симфониялық оркестр Э. Элгардың «Salut d'amour», А. Дворжактың «Юмореска», Франц Шуберттің «Серенада», И. Брамстың «Вальс» атты классикалық композицияларымен және Карлос Гардельдің «Запах женщины» фильміндегі тангосымен ашпақ.

Осы күндер аралығында мерекелік концертке сәйкес Үрлемелі оркестрдің орындауындағы Нат Макинтоштың «New blood», «Weather Report» тобының «Birdland», Пол Кларктың «Dance like no one's watching», т.б. сияқты әндер шырқалады. Екі қабатты автобус Нұр-Сұлтан көшелерін аралай отыра, халыққа мерекелік көңіл-күй сыйламақ.

Ал кеме үстінде өтетін концертте ҚР Еңбек сіңірген қайраткері Естай Мұқашев; Мәдениет саласының үздіктері: Күнсұлу Тұрлыбекова, Арайлым Рахым; Халықаралық байқаулардың лауреаттары: Көркем Шолошова, Алтынбек Әбілда, Бибігүл Тыныштық, Жақсыгелді Маясаров, Саулежан Тақзия, Айдын Жұмабай, Ақбота Құснадин, Әкімхан Маженов, Дәстүр Асылхан, Дихан Ильяшев, Диана Май; Мемлекеттік «Дарын» жастар сыйлығының лауреаты Нұрбол Балапанов; әнші «Дос»; «Қазақстан дауысы» ІІІ тележобасының жеңімпазы Мұратбек Хайролда; «Жұлдыз-2019» Гран при иегері Бахтияр Ақылбек өнер көрсетеді. Осылайша олар мәртебелі музыка тыңдармандарын шоқтығы биік шығармалармен және танымал әншілердің әсем әндерімен сусындатпақ.

Көк аспанның астында музыканттар кәсіби шеберліктерін шыңдай отыра, Елорда күнін одан сайын шырайландыра түсетіндері сөзсіз.